அடையாளம்
சின்ன சின்ன தொழில் செய்து
சில்லறையாய்ச் சம்பாதி.
அண்ணாச்சி கடைதனிலே
அன்றாடம் பொருள் வாங்கு.
மிச்சமுள்ள சேமிப்பை
முடிச்சுகளாய்க் கட்டி வை.
பாங்க் அக்கவுண்ட்,பான் நம்பர்
பாவமென விலக்கிவிடு.
தகவல் தொடர்புக்குத்
தபால் கார்டு வைத்துக்கொள்.
குறிப்புகள் வேண்டுமெனில்
கன்னிமாரா நூலகம் போ.
நண்பருடன் அளாவுதற்கு
நடைபயணம் மேற்கொள்ளு.
கூகுளும் ஃபேஸ்புக்கும்
கூடவே கூடாது.
ஆதார் கார்டா?
அப் பேச்சே கூடாது!
வோட்டர் லிஸ்ட் எடுக்கவந்தால்
ஓடி ஒளிந்து கொள்ளு!
அப்பாடா! உன்னுடைய
அந்தரங்கம் பத்திரமே!
(அடையாளமும் போகும்.
அதனாலே என்னாச்சு!)
No comments:
Post a Comment